السلام عليكم ورحمة الله وبركاته
صرخة مهجر
ماشي على غير هدي حيران ... اشعث حافي وجوعان
تصرخ النسوة من الرعب ... شيوخ وبنات واطفال
هذوم اللي عذبوني هذوم اللي الموني
القصف عشوائي ونيران ... هاون وهوزر وطيران
والذبح والصلب والحرق ... تدليس باسم الاسلام
هذوم اللي شردوني هذوم اللي هجروني
مشوش الفكر اتقول سكران ... ضايع وحيران
نبحث على مأوى يأوي العيال ... ضاع الامان
هذوم اللي حيروني هذوم اللي جننوني
زعمه تفراج ونرجعوا للدار ... انميعدوا ونهدرزوا كبار وصغار
والا يا ترى يطول ويطول بينا الزمان
هذوم اللي حطموني هذوم اللي دمروني
يارب يا خالق الكون في ست ايام ... يا خالق الانس والجان والحيوان
ازرع المحبة في قلوبنا والسلام ... هدي النفوس واصلح الاحوال
هذوم اللي طمنوني هذوم اللي افرحوني
_________________________________
_____________________________________________
مع تحيات : سالم منصور يونس الطبيب .
